అతిలోక సుందరి శ్రీదేవి వారసత్వాన్ని ముందుకు తీసుకెళ్తూ జాన్వీ కపూర్ వరుస ప్రాజెక్టులతో క్రేజీ హీరోయిన్గా దూసుకుపోతోంది. అదే సమయంలో శ్రీదేవి రెండో కుమార్తె ఖుషీ కపూర్ కూడా ఇండస్ట్రీలో తన అదృష్టాన్ని పరీక్షించుకుంటోంది. అయితే 2025 సంవత్సరం ఖుషీకి ఆశించిన ఫలితాలను అందించలేదు. సైఫ్ అలీఖాన్ కుమారుడు ఇబ్రహీం అలీ ఖాన్తో నటించిన నాదానియన్, ఆమిర్ ఖాన్ కుమారుడు జునైద్ ఖాన్తో చేసిన లవ్ యాపా చిత్రాలు బాక్సాఫీస్ వద్ద నిరాశపరిచాయి.
హిట్లు లేకపోయినా, ఒక నటవారసురాలిగా ఖుషీకి అవకాశాల పరంగా ఎలాంటి కొరత లేదు. ఈ ఫ్లాప్స్ను ఆమె తనను తాను మెరుగుపర్చుకునే అనుభవాలుగా తీసుకుంటోంది. ముఖ్యంగా జెన్-జెడ్ మైండ్సెట్తో లైమ్లైట్లో ఎలా ఉండాలో ఖుషీకి బాగా తెలుసు. అందుకే సోషల్ మీడియాలో ఆమె క్రేజ్ ఏమాత్రం తగ్గలేదు.
ఫ్యాషన్ విషయంలో ఖుషీ కపూర్ ఇప్పుడు జెన్-జెడ్ ఫ్యాషన్ ఐకాన్గా గుర్తింపు పొందింది. ఆమె ఇన్స్టాగ్రామ్ పోస్టులు, ఫ్యాషన్ ఈవెంట్లలో ధరించే ఔట్ఫిట్లు నిత్యం ట్రెండింగ్లో నిలుస్తున్నాయి. ఇండస్ట్రీ పార్టీల్లో, ఫ్రెండ్స్ గ్యాంగ్తో షోస్టాపర్గా నిలుస్తూ అందరి దృష్టిని ఆకర్షిస్తోంది.
ఇటీవల తన ప్రాణస్నేహితురాలు, దర్శకుడు అనురాగ్ కశ్యప్ కుమార్తె అయిన ఆలియా కశ్యప్ 25వ పుట్టినరోజు సందర్భంగా ఖుషీ చేసిన స్పెషల్ పోస్ట్ సోషల్ మీడియాలో వైరల్ అవుతోంది. చిన్ననాటి నుంచి బెస్టీస్ అయిన ఖుషీ–ఆలియా అనుబంధాన్ని మరోసారి ఈ పోస్ట్ హైలైట్ చేసింది. “మై బెస్టీ, మై చీర్ లీడర్… ప్రతిదీ నువ్వే” అంటూ ఖుషీ ఇచ్చిన విషెస్ నెటిజన్లను ఆకట్టుకుంటున్నాయి.
ఆలియా బర్త్డే పార్టీలో ఫ్రెండ్స్ గ్యాంగ్ ఎనర్జిటిక్గా సందడి చేయగా, ఒర్రీ అలియాస్ ఓర్హాన్ అవ్రతమణి కూడా ఫుల్ ఎంజాయ్ చేస్తూ కనిపించాడు. అయితే అదే గ్యాంగ్లో కనిపించిన ఓ షాడో ఫిగర్ ఇప్పుడు నెటిజన్లలో ఆసక్తిని రేపుతోంది. మొత్తంగా, సినిమాల్లో హిట్లు లేకపోయినా ఖుషీ కపూర్ మాత్రం క్రేజ్, స్టైల్, సోషల్ ప్రెజెన్స్తో ఎప్పటికప్పుడు వార్తల్లో నిలుస్తోంది.
Recent Random Post:
