సరిగ్గా పది సంవత్సరాల క్రితం సాయి ధరమ్ తేజ్ హీరోగా నటించిన ‘రేయ్’ సినిమాతో తెలుగు ప్రేక్షకులకు పరిచయం అయిన నటి సయామీ ఖేర్. ఆ సినిమా ద్వారా సాయి ధరమ్ తేజ్ కొంత గుర్తింపు తెచ్చుకున్నా, సయామీకి మాత్రం పెద్దగా ఆఫర్లు రాలేదు. దీంతో ఆమె టాలీవుడ్లో అవకాశాల కోసం ప్రయత్నించినా, తిరస్కరణలే ఎదురయ్యాయి.
తర్వాత బాలీవుడ్లో చిన్న చిన్న సినిమాల్లో నటించే అవకాశాలు దక్కించుకున్నప్పటికీ, పెద్దగా గుర్తింపు దక్కలేదు. మరోసారి టాలీవుడ్లో ‘వైల్డ్ డాగ్’, ‘హైవే’ సినిమాలతో రీ ఎంట్రీ ఇచ్చినా, అవి కూడా హిట్లు కాకపోవడంతో ఆమెను మళ్ళీ టాలీవుడ్ దూరం పెట్టేసింది.
అయితే, సయామీ హिम्मత వదలలేదు. 2023లో నటించిన ‘8 ఏఎం మెట్రో’ ద్వారా నటిగా మంచి ప్రశంసలు అందుకుంది. అదే ఏడాది అభిషేక్ బచ్చన్తో కలిసి నటించిన స్పోర్ట్స్ డ్రామా ఆమెకు మరింత గుర్తింపు తెచ్చింది. ఆ తరువాత ఆమె జోరు పెరుగుతూ, ఏడాదికి రెండు సినిమాలు చొప్పున చేస్తూ ముందుకు సాగుతోంది. గతేడాది ఆమె నటించిన ‘అగ్ని’ మంచి టాక్ తెచ్చుకోవడంతో మరిన్ని హిందీ ఆఫర్లు వరుసగా వస్తున్నాయి.
ఇటీవల సన్నీ డియోల్ ప్రధాన పాత్రలో వచ్చిన ‘జాట్’ సినిమాలో ఎస్ఐ పాత్రలో నటించి, ప్రేక్షకుల దృష్టిని ఆకర్షించింది. గోపీచంద్ మలినేని దర్శకత్వం వహించిన ఆ సినిమాలో ఆమె నటనకు విశేష ప్రశంసలు దక్కాయి.
ఇక తాజాగా, సయామీ ఖేర్కు బాలీవుడ్లోనే అత్యంత క్రేజీ మల్టీస్టారర్ మూవీ దక్కింది. అక్షయ్ కుమార్, సైఫ్ అలీ ఖాన్ హీరోలుగా నటిస్తున్న ఈ భారీ చిత్రంలో హీరోయిన్గా సయామీని ఎంపిక చేసినట్లు సమాచారం. 17 ఏళ్ల తర్వాత అక్షయ్–సైఫ్ కాంబో రాబోతుండటంతో ఈ సినిమాపై అంచనాలు ఆకాశాన్ని అంటుతున్నాయి.
ఇంతటి భారీ ప్రాజెక్టులో హీరోయిన్ ఛాన్స్ దక్కించుకోవడంతో, త్వరలోనే సయామీ ఖేర్ బాలీవుడ్లో బిజీ హీరోయిన్గా మారడం ఖాయం అని సినీ వర్గాలు నమ్ముతున్నాయి.
Recent Random Post:
