స‌మంత ప‌ట్టుద‌ల‌పై చై ప్ర‌శంస‌!

తనతో క‌లిసి పనిచేసిన హీరోయిన్లలో తనకు నచ్చే క్వాలిటీస్ గురించి యువ‌సామ్రాట్ నాగ‌చైత‌న్య త‌న‌దైన శైలిలో వివరించాడు. త‌న క‌థానాయిక‌లు కృతి శెట్టి – పూజా హెగ్డేతో పాటు సమంతలో తనకు నచ్చిన లక్షణాల గురించి నాగ చైతన్య మాట్లాడాడు. ముఖ్యంగా చై త‌న‌ మాజీ భార్య స‌మంత గురించి చై అన్న మాట‌లు హృద‌యాల్ని హ‌త్తుకుంటున్నాయి.

సమంత ఏదైనా చేయాలనుకుంటే ఎన్ని అడ్డంకులు వచ్చినా పూర్తి చేసేస్తుంద‌ని చై ఈ ఇంటర్వ్యూలో కొనియాడాడు. మాజీ భార్య సమంతను ప్ర‌శంస‌ల్లో ముంచెత్తి అక్కినేని నాగ‌చైత‌న్య త‌న గురించి చాలా విష‌యాలు చెప్పాడు. సమంత చాలా హార్డ్ వర్కర్ అని, విల్ పవర్ ఎక్కువ అని నాగ చైతన్య రీసెంట్ గా ఓ ఇంటర్వ్యూలో చెప్పాడు. సమంతపై చైతూ వ్యాఖ్యలు ఇప్పుడు అభిమానుల్లో వైరల్ అవుతున్నాయి. ఈ వ్యాఖ్య‌లు స‌మంత మ‌న‌సును తాకుతాయంటూ అభిమానులు వ్యాఖ్యానిస్తున్నారు.

నాగ చైతన్య హీరోగా నటించిన `ఏ మాయ చేసావే` సినిమాతో టాలీవుడ్‌లో హీరోయిన్‌గా ఎంట్రీ ఇచ్చింది సమంత. చాలా ఏళ్లుగా ప్రేమలో ఉన్న ఈ జంట 2017లో పెళ్లి చేసుకున్నారు. కానీ విభేధాల‌తో 2021లో విడాకులు తీసుకున్నారు. నాగ చైతన్యతో విడాకులు తీసుకున్న సమంత మళ్లీ సినిమాలపై దృష్టి పెట్టింది. చైత‌న్య కూడా ఇప్పుడు కెరీర్ ప‌రంగా పూర్తి బిజీగా ఉన్నాడు. ఇటీవల సమంతా రొమాంటిక్ డ్రామా ఖుషీలో కనిపించింది. ట్యాలెంటెడ్ నటుడు విజయ్ దేవరకొండ స‌ర‌స‌న సామ్ న‌టించింది. ఇది భార్యాభ‌ర్త‌ల న‌డుమ గొడ‌వ‌ల నేప‌థ్యంలో రూపొంది ఆక‌ట్టుకుంది. శివ నిర్వాణ ద‌ర్శ‌క‌త్వం వ‌హించారు. బాక్సాఫీస్ వద్ద వ‌సూళ్ల‌లో యావరేజ్ గా నిలిచింది. ప్రస్తుతం సమంత మైయోసైటిస్ కారణంగా సినిమాలకు దూరంగా ఉంది. చైతూ సమంత కలిసి ఆటోనగర్ సూర్య (2014), మనం (2014), మజిలీ (2019) చిత్రాల్లో నటించారు.

=