సూపర్ స్టార్ రజనీకాంత్ వయసు 74 అయినా, ఇప్పటికీ యంగ్ హీరోలతో సమానంగా సినిమాలు చేస్తూ తన ఎనర్జీతో అందరిని ఆశ్చర్యపరుస్తున్నారు. చిన్న సినిమాలు కాకుండా భారీ బడ్జెట్, హై వోల్టేజ్ యాక్షన్ ఎంటర్టైనర్లతో వరుసగా ప్రేక్షకుల ముందుకు రానున్నారు. గతంలో కోలీవుడ్లో ఏకంగా సంవత్సరానికి అత్యధిక సినిమాలు చేసిన హీరోగా రికార్డ్ సృష్టించిన రజనీకాంత్, కాలానుగుణంగా సినిమా మేకింగ్, బడ్జెట్ పెరగడం వల్ల ఒక్కో సినిమాకే ఫోకస్ చేశారు. కానీ ఇప్పుడు మళ్లీ తన స్పీడ్ పెంచి బ్యాక్ టు బ్యాక్ సినిమాలతో బిజీగా మారారు.
ప్రస్తుతం రజనీకాంత్ నటించిన కూలీ చిత్రానికి సంబంధించిన షూటింగ్ ఇటీవలే పూర్తయింది. లోకేష్ కనగరాజ్ దర్శకత్వంలో తెరకెక్కిన ఈ చిత్రానికి భారీ అంచనాలు నెలకొన్నాయి. రజనీ గారితో పనిచేయడం గొప్ప అనుభవంగా మిగిలిందని లోకేష్ సోషల్ మీడియా ద్వారా వెల్లడించారు. అయితే కూలీ షూటింగ్ పూర్తయిందో లేదో, రజనీ మరో సినిమా సెట్స్లోకి అడుగుపెట్టారు.
చివరికి కనీసం రెండు రోజులు కూడా బ్రేక్ తీసుకోకుండా, జైలర్ 2 షూటింగ్లో పాల్గొనడం అభిమానులను ఆశ్చర్యపరుస్తోంది. స్టార్ హీరోలు షెడ్యూల్ మధ్య కనీసం నెలరోజుల గ్యాప్ తీసుకుంటుంటే, రజనీ మాత్రం ఒక సినిమా ముగిసిన వెంటనే మరో చిత్రానికి జాయిన్ అవడం నిజంగా విశేషమే. జైలర్ బ్లాక్బస్టర్ కావడంతో, దాని సీక్వెల్ జైలర్ 2 రూపొందిస్తున్నట్లు కొంతకాలంగా వార్తలు వస్తున్నాయి. నెల్సన్ దిలీప్ కుమార్ దర్శకత్వంలో తెరకెక్కుతున్న ఈ చిత్రాన్ని కేవలం 6 నెలల్లో పూర్తి చేయాలని మేకర్స్ ప్లాన్ చేస్తున్నారు.
అయితే, రజనీ ఎనర్జీని చూస్తుంటే ఆయన వయసు 74 కాదు, 25 ఏళ్ల కుర్రాడిలా ఫీలవుతున్నారు. ఫిజికల్ ఫిట్నెస్ పరంగా, వర్క్ ఎనర్జీ పరంగా యంగ్ హీరోలకు కూడా గట్టి పోటీ ఇస్తున్నారు. ప్రస్తుతం ఈ ఏడాదిలోనే కూలీ మరియు జైలర్ 2 సినిమాలతో రజనీ బాక్సాఫీస్ను షేక్ చేయనున్నారు. అంతేకాదు, వచ్చే ఏడాదికీ ఇప్పటికే కొత్త ప్రాజెక్టులు లైన్లో ఉన్నట్లు సమాచారం. రజనీ స్పీడ్ చూస్తుంటే, ఇప్పటికీ సూపర్ స్టార్ ఎందుకు అనిపించుకుంటున్నారో మరోసారి నిరూపితమైంది.
Recent Random Post:
