ఎస్ ఎస్ థమన్ ఎంతటి భీకరమైన ఫామ్ లో ఉన్నాడో ప్రత్యేకించి చెప్పాల్సిన పనిలేదు. వరసగా సూపర్ హిట్ సినిమాలకు పనిచేస్తున్నాడు. థమన్ అందించిన సంగీతం కూడా అన్ని వర్గాల ప్రేక్షకులను విపరీతంగా ఆకర్షిస్తోంది. రీసెంట్ గా పవర్ స్టార్ పవన్ కళ్యాణ్ సినిమాకు థమన్ పనిచేస్తోన్న విషయం తెల్సిందే. ఏప్రిల్ 9న విడుదల కానున్న వకీల్ సాబ్ కు థమన్ సంగీతం అందిస్తున్నాడు.
ఈ సినిమాకు ప్రమోషన్స్ హవా మొదలైంది. ఇప్పటికే రెండు పాటలు విడుదలవ్వగా రెండిటికీ రెస్పాన్స్ బాగుంది. ఇదిలా ఉంటే ఈరోజు వకీల్ సాబ్ నుండి మూడో పాట విడుదలైంది. కంటి పాప సాంగ్ పవన్ కళ్యాణ్, శృతి హాసన్ మధ్య తెరకెక్కించారు. బుట్ట బొమ్మ సాంగ్ కాంబో ఈ పాటకు మరోసారి రిపీట్ అవ్వడం విశేషం. అర్మాన్ మాలిక్ ఈ సాంగ్ ను పాడగా, రామజోగయ్య శాస్త్రి మరోసారి చక్కని సాహిత్యాన్ని అందించాడు. ఈ పాట కచ్చితంగా ట్రేండింగ్ లో నిలుస్తుంది.
Recent Random Post:
