సోషల్ మీడియా ప్రభావం పెరిగిన తర్వాత సెలబ్రిటీలు తమ వ్యక్తిగత జీవితానికి సంబంధించిన విషయాలను అభిమానులతో నేరుగా పంచుకుంటున్నారు. ముఖ్యంగా తమ పిల్లలను సోషల్ మీడియా ద్వారా పరిచయం చేస్తూ, వారికంటూ ప్రత్యేకమైన ఇమేజ్‌ను క్రియేట్ చేస్తున్నారు. మరికొందరు తమ వారసులను చిన్న వయసులోనే చైల్డ్ ఆర్టిస్టులుగా ఇండస్ట్రీకి పరిచయం చేస్తున్నారు. అయితే కొంతమంది పిల్లలు చైల్డ్ ఆర్టిస్టులుగా నటించిన తర్వాత చదువుపై దృష్టి పెట్టి ఇండస్ట్రీకి దూరమవుతారు. అలా ఉన్నవారు సంవత్సరాల తర్వాత మీడియా ముందుకు వస్తే, వారిని చూసి అభిమానులు ఆశ్చర్యపోవడం సహజమే.

ఈ కోవలోకే వస్తోంది సీనియర్ హీరోయిన్ మీనా కూతురు నైనిక. ఒకప్పుడు చైల్డ్ ఆర్టిస్టుగా ప్రేక్షకులను అలరించిన నైనిక ఇప్పుడు పెద్దదై హీరోయిన్ రేంజ్ అందంతో కనిపించి అందరినీ ఆకట్టుకుంటోంది. భర్త విద్యాసాగర్ మరణం తర్వాత మీనా తన కూతురితోనే కలిసి ఉంటున్న విషయం తెలిసిందే. అయితే ఇప్పటివరకు నైనిక ఫోటోలను పెద్దగా షేర్ చేయని మీనా, తాజాగా క్రిస్మస్ సందర్భంగా కూతురితో కలిసి దిగిన ఫోటో ఒకటి సోషల్ మీడియాలో వైరల్‌గా మారింది.

ఈ ఫోటోల్లో నైనిక లుక్ చూసి అభిమానులే కాకుండా సినీ సెలబ్రిటీలు కూడా ఆశ్చర్యం వ్యక్తం చేస్తున్నారు. “ఇంత అందంగా మారిపోయిందా?”, “హీరోయిన్‌లా ఉంది” అంటూ నెటిజన్లు కామెంట్లు చేస్తున్నారు. చాలామంది నైనిక త్వరలోనే హీరోయిన్‌గా ఎంట్రీ ఇవ్వాలని కోరుకుంటున్నారు.

నైనిక ఐదు సంవత్సరాల వయసులోనే దళపతి విజయ్ నటించిన తేరి సినిమాలో బాలనటిగా కనిపించింది. ఆ తర్వాత నటనకు గుడ్‌బై చెప్పి చదువుపై పూర్తిగా ఫోకస్ పెట్టింది. ప్రస్తుతం నైనిక వయసు 14 సంవత్సరాలు. తాజా ఫోటోలు చూసిన అభిమానులు మాత్రం ఆమె మళ్లీ ఇండస్ట్రీలోకి రావాలని ఆసక్తిగా కోరుకుంటున్నారు.

ఇక మీనా విషయానికి వస్తే.. 1982లో నెంజంగల్ సినిమాతో బాలనటిగా తన సినీ ప్రయాణాన్ని ప్రారంభించింది. శివాజీ గణేషన్ చిత్రాల్లో ఎక్కువగా నటిస్తూ బాలనటిగా 45కి పైగా సినిమాల్లో కనిపించి గుర్తింపు తెచ్చుకుంది. 1990లో తెలుగులో నవయుగం సినిమాతో హీరో రాజేంద్రప్రసాద్ సరసన నటించింది. అదే ఏడాది తమిళంలో హీరోయిన్‌గా అడుగుపెట్టింది. తెలుగులో చంటి, అల్లరి పిల్ల, అల్లరి మొగుడు, సుందరకాండ, ప్రెసిడెంట్ గారి పెళ్లాం వంటి సూపర్ హిట్ చిత్రాల్లో నటించి స్టార్ హీరోయిన్‌గా నిలిచింది. ముఖ్యంగా వెంకటేష్‌తో ఆమె జోడీకి ప్రత్యేకమైన క్రేజ్ ఉంది.

రీఎంట్రీలో కూడా వరుస సినిమాలు చేస్తూ ప్రేక్షకులను అలరిస్తున్న మీనా, భవిష్యత్తులో తన కూతురు నైనికను కూడా ఇండస్ట్రీకి పరిచయం చేస్తుందా? అనే ఆసక్తి ఇప్పుడు అందరిలోనూ నెలకొంది.

సినిమాల షూటింగ్స్‌ నుంచి కాస్త సమయం దొరికితే చాలు… ఫ్యామిలీతో కలిసి వెకేషన్‌కు వెళ్లి ఎంజాయ్ చేసే కొద్దిమంది హీరోల్లో సూపర్ స్టార్ మహేష్ బాబు ముందుంటారు. ఏ సినిమా చేస్తున్నా సరే, తన కుటుంబానికి సమయం కేటాయించడంలో మహేష్ ఎప్పుడూ వెనకాడరు.

అదే క్రమంలో ఈసారి క్రిస్మస్ పండుగను ఆయన తన ఫ్యామిలీతో కలిసి ఎంతో ఆనందంగా జరుపుకున్నారు. కుటుంబ సభ్యులతోనే కాదు, తన చుట్టుపక్కల వారితో కూడా ఈ పండుగ ఆనందాన్ని షేర్ చేసుకున్నారు మహేష్ బాబు.

క్రిస్మస్ సెలబ్రేషన్స్‌కు సంబంధించిన ఫోటోలను తాజాగా సోషల్ మీడియాలో షేర్ చేయగా, అందులో మహేష్ బాబు, ఆయన సతీమణి నమ్రత శిరోద్కర్, కూతురు సితార ఘట్టమనేని, కొడుకు గౌతమ్ ఘట్టమనేనితో పాటు పలువురు బంధుమిత్రులు కనిపించారు. మొత్తం మీద ఫ్యామిలీతో కలిసి క్రిస్మస్ వేడుకలను ఘనంగా జరుపుకున్నారు మహేష్. ప్రస్తుతం ఈ ఫోటోలు వైరల్ కావడంతో, మహేష్ లుక్ చూసి అభిమానులు సంతోషం వ్యక్తం చేస్తున్నారు.

మహేష్ బాబు కెరీర్ విషయానికి వస్తే… ప్రస్తుతం ఆయన రాజమౌళి దర్శకత్వంలో తొలిసారిగా ఓ భారీ ప్రాజెక్ట్‌లో నటిస్తున్నారు. ఇది కేవలం పాన్ ఇండియా కాదు… ఏకంగా పాన్ వరల్డ్ మూవీగా తెరకెక్కుతోంది. ఈ చిత్రంలో గ్లోబల్ స్టార్ ప్రియాంక చోప్రా హీరోయిన్‌గా నటిస్తుండగా, మలయాళ నటుడు కమ్ డైరెక్టర్ పృథ్వీరాజ్ సుకుమారన్ ‘కుంభ’ అనే కీలక పాత్రలో కనిపించబోతున్నారు.

ఈ సినిమా 2027 సమ్మర్ కానుకగా విడుదల కానుండటంతో, అప్డేట్స్ కోసం అభిమానులు ఆసక్తిగా ఎదురుచూస్తున్నారు. ఈ నేపథ్యంలోనే రాజమౌళి ‘గ్లోబ్ ట్రాటర్’ పేరుతో రామోజీ ఫిల్మ్ సిటీలో ఓ భారీ ఈవెంట్ నిర్వహించిన విషయం తెలిసిందే.

ఇప్పటికే మహేష్ బాబు లుక్‌తో పాటు, ప్రియాంక చోప్రా ‘మందాకిని’ పాత్ర ఫస్ట్ లుక్, అలాగే పృథ్వీరాజ్ సుకుమారన్ క్యారెక్టర్ ఫస్ట్ లుక్ పోస్టర్లు విడుదలయ్యాయి. దీనితో పాటు ఈ చిత్రంలో ప్రకాష్ రాజ్ కూడా కీలక పాత్రలో నటిస్తున్నట్లు మేకర్స్ అధికారికంగా ప్రకటించారు.

భారీ తారాగణంతో తెరకెక్కుతున్న ఈ సినిమా రెండు భాగాలుగా రూపొందనుందని సమాచారం. దుర్గా ఆర్ట్స్ క్రియేషన్స్ బ్యానర్‌పై కేఎల్ నారాయణ నిర్మిస్తున్న ఈ చిత్రానికి ఏకంగా రూ.1200 కోట్ల బడ్జెట్ కేటాయించినట్లు ప్రచారం జరుగుతోంది. అయితే దీనిపై ఇంకా అధికారిక స్పష్టత రావాల్సి ఉంది.

మొత్తానికి, మరో రెండు సంవత్సరాల వరకు మహేష్ బాబు కొత్త సినిమాలు విడుదలయ్యే అవకాశం లేకపోవడంతో, ఆయన కెరీర్‌లో విజయవంతమైన సినిమాలను రీ-రిలీజ్ చేస్తూ అభిమానులు సరిపెట్టుకుంటున్నారు.