ఈ ఏడాది సినిమా పరిశ్రమకు అస్సలు బాగున్నట్లుగా లేదు. డిసెంబర్‌ లో కూడా సినిమా పరిశ్రమలో విషాదాలు నెలకొంటూనే ఉన్నాయి. ఈ ఏడాది ఆరంభం నుండి కరోనా కారణంగా ఆర్థకంగా సినీ ప్రముఖులు కుదేలవుతున్నారు. పలువురు కరోనా వల్ల మృతి చెందారు.
టాలీవుడ్‌ లో 20 కి పైగా సినిమాల్లో హీరోగా నటించిన యాదాకృష్ణ గుండె పోటుతో మృతి చెందాడు. హీరోగా పలు సినిమాల్లో నటించి కొన్ని సినిమాలతో మంచి పేరు దక్కించుకున్న యాదా కృష్ణ 2010లో సంక్రాంతి అల్లుడు సినిమాతో కనిపించకుండా పోయారు. ఆ సినిమానే యాదాకృష్ణకు చివరి సినిమా.
61 ఏళ్ల యాదాకృష్ణ బుదవారం గుండె పోటుతో హైదరాబాద్‌ మృతి చెందినట్లుగా కుటుంబ సభ్యులు పేర్కొన్నారు. కొన్నాళ్లుగా వ్యక్తిగత కారణాల వల్ల సినిమాలకు దూరంగా ఉంటున్నా కూడా సినిమా ఇండస్ట్రీలో ఆయనకు మంచి పరిచయాలే ఉన్నాయి. గుప్త శాస్త్రం.. వయసు కోరిక.. పిక్నిక్‌ సినిమాలు యాదాకృష్ణ నటించినవే. సినిమా పరిశ్రమలో ఎంతో మంది సన్నిహితులను కలిగి ఉన్న యాదాకృష్ణ మృతి అందరిని విషాదంలో నెట్టివేసింది.
Recent Random Post:
