మలయాళంలో ఇటీవల విడుదలై సూపర్ హిట్గా నిలిచిన లోక సినిమా తెలుగులో కూడా కొత్తగా విడుదలై మంచి రెస్పాన్స్ అందుకుంటోంది. దుల్కర్ సల్మాన్ నిర్మించిన ఈ సినిమాను డామెరిక్ అరుణ్ డైరెక్ట్ చేశారు. కళ్యాణి ప్రియదర్శన్ లీడ్ రోల్లో నటించి, ప్రేమలు నెస్లెన్ కూడా ముఖ్య పాత్ర పోషించారు. లోక సినిమా ఇండియన్ స్క్రీన్పై వచ్చిన ఒక ఫీమేల్ సూపర్ హీరో మూవీగా పేరు పొందింది. సినిమా రిలీజ్కి ముందే పెద్ద హంగామా లేదు, కానీ రిలీజ్ తర్వాత మంచి క్రేజ్ను సంపాదించింది.
30 కోట్ల బడ్జెట్తో రూపొందిన ఈ సినిమా 13 రోజుల్లోనే 200 కోట్ల పైన వసూలు చేసింది. సినిమా విజయం చూసి చిత్ర యూనిట్ ఎంతో సంతోషంగా ఉంది. అదే సమయంలో కళ్యాణి ప్రియదర్శన్కు ఆమె తండ్రి, ప్రముఖ దర్శకుడు ప్రియదర్శన్, ఒక ప్రత్యేకమైన మెసేజ్ పంపారు. మలయాళ సినిమాల్లో తన గుర్తింపు, మార్క్ చూపించడంలో ప్రియదర్శన్ చేసిన సినిమాలు ఎంతో ప్రత్యేక స్థాయి తెచ్చుకున్నాయి. కూతురు హీరోయిన్గా ఎదగాలని ప్రోత్సహిస్తూ ప్రియదర్శన్ ఆమెకు మంచి సలహా ఇచ్చారు.
ఆ సలహా ఏమిటంటే – “విజయం వచ్చినప్పుడు గర్వాన్ని తలకు ఎక్కించుకోకూడదు. ఫ్లాప్ వచ్చినప్పుడు ఆ బాధను మనసులో మోయకూడదు. ఇది నీకు ఇచ్చే మంచి సలహా.” కళ్యాణి ప్రియదర్శన్ కూడా స్పందించి, “అవును నాన్నా, ఆల్వేస్ థ్యాంక్ యూ” అని చెప్పింది.
తండ్రి-కూతుళ్ల ఈ సంభాషణ సోషల్ మీడియాలో వైరల్ అవుతుంది. ప్రియదర్శన్ తండ్రిగా కూతురికి కెరీర్లో విజయాలు, తప్పులు, సవాళ్లన్నింటిని అర్థం చేసుకోవాలన్న సలహా ఇచ్చారు. లోక చాప్టర్ 1 వంటి విజయంతో కళ్యాణి కూతురి కెరీర్ కొత్త ఎత్తులకు చేరాలని ఆమె ఫ్యాన్స్ ఆశిస్తున్నారు.
తెలుగు ఆడియన్స్కు కళ్యాణి ప్రియదర్శన్ తెలిసిందే. హలోతో తెరంగేట్రం చేసుకుని, సాయి తేజ్తో చిత్రలహరి సినిమాలో మంచి విజయం సాధించింది. ఇప్పుడు కొత్త లోక విజయం తర్వాత, ఆమెకు తెలుగు సినిమాల నుంచి కూడా మంచి ఆఫర్లు రావడం సౌకర్యంగా ఉండొచ్చు.
Recent Random Post:
