సౌందర్యం, ఫిట్నెస్ కోసం ఖరీదైన డైట్లు అవసరం లేదని, సంప్రదాయ ఆహారమైన చద్దన్నం కూడా అద్భుతమైన ఫలితాలు ఇస్తుందని నిధి అగర్వాల్ చెబుతున్నారు. తన గ్లామర్ వెనుక రహస్యం ఇదేనని ఆమె చెప్పడం ఇప్పుడు సోషల్ మీడియాలో చర్చనీయాంశంగా మారింది.
నిధి అగర్వాల్ తెలిపిన ప్రకారం, గత ఏడాది నుంచి తన డైలీ బ్రేక్ఫాస్ట్గా చద్దన్నమే తీసుకుంటున్నారు. ఉదయం వేళ చద్దన్నం తినడం వల్ల శరీరానికి చల్లదనం లభించడంతో పాటు చర్మానికి సహజమైన కాంతి వస్తుందని ఆమె అనుభవాన్ని పంచుకున్నారు. షూటింగ్ల సమయంలో కూడా క్యారేజ్లో చద్దన్నం తీసుకెళ్లడం చూసి యూనిట్ సభ్యులు ఆశ్చర్యపోతుంటారని ఆమె తెలిపారు.
చద్దన్నంలో ఉండే ప్రోబయోటిక్స్ జీర్ణశక్తిని మెరుగుపరచడంతో పాటు రోగనిరోధక శక్తిని పెంచుతాయని వైద్య నిపుణులు కూడా పేర్కొంటున్నారు. దీనితో పాటు నిధి ప్రొటీన్ కోసం గుడ్లు కూడా తీసుకుంటూ ఫిట్నెస్ను కాపాడుకుంటున్నారు.
కెరీర్ పరంగా చూస్తే, పవన్ కళ్యాణ్తో నటించిన హరి హర వీరమల్లు పెద్ద ప్రాజెక్ట్ అయినప్పటికీ ఆశించిన విజయాన్ని అందుకోలేకపోయింది. అలాగే ప్రభాస్ సరసన నటించిన ది రాజా సాబ్ కూడా నిరాశపరిచింది. అయినప్పటికీ నిధి అగర్వాల్ విభిన్న పాత్రలతో తన ప్రతిభను నిరూపించుకోవడానికి ప్రయత్నిస్తున్నారు.
ప్రస్తుతం సౌత్ ఇండస్ట్రీలో మోస్ట్ వాంటెడ్ హీరోయిన్లలో ఒకరిగా కొనసాగుతున్న నిధి, రాబోయే ప్రాజెక్టులపై భారీ ఆశలు పెట్టుకున్నారు. సంప్రదాయ ఆహారపు అలవాట్లతో గ్లామర్ను కాపాడుకుంటూ, తన సింపుల్ లైఫ్స్టైల్తో అభిమానులను ఆకట్టుకుంటున్నారు.
Recent Random Post:
