సినీ పరిశ్రమలో వెలుగులో ఉన్నప్పుడే భవిష్యత్తు కోసం ఇతర రంగాల్లో అడుగుపెట్టాలని అంటారు. అదే తరహాలో అనేక మంది హీరోయిన్లు సొంత వ్యాపారాలు ప్రారంభించి, ఎంటర్ప్రెన్యూర్లుగా ఎదుగుతున్నారు. సోనం కపూర్, అనుష్క శర్మ, నయనతార, దీపికా పడుకొనే, సమంత, ఆలియా భట్, కాజల్ అగర్వాల్ తదితరులు ఈ జాబితాలో ఉన్నారు. ఇప్పుడు అదే దారిలో బాలీవుడ్ నటి హ్యూమా ఖురేషి కూడా ముందుకు వస్తోంది.
తన సోదరుడు సాకిబ్తో కలిసి హ్యూమా ఒక సొంత నిర్మాణ సంస్థను ప్రారంభించింది. ఈ బ్యానర్లో మొదటగా బేబీ దో డై దో అనే చిత్రాన్ని నిర్మించింది, ఇది త్వరలో ప్రేక్షకుల ముందుకు రానుంది. సినిమాల నిర్మాణం మాత్రమే కాదు, ఇతర వ్యాపార రంగాల్లో కూడా సోదరుడితో కలిసి అడుగుపెట్టాలని ఆమె ప్లాన్ చేస్తోంది.
అదే సమయంలో నటనలోనూ హ్యూమా తన స్థానాన్ని నిలబెట్టుకుంటోంది. తాజాగా వచ్చిన సమాచారం ప్రకారం, హ్యూమా 10 ఏళ్ల క్రితం నటించిన హిట్ సినిమా ఖోస్లా కా ఘోస్లాకి సీక్వెల్లో నటించడానికి సిద్ధమవుతోంది. ప్రస్తుతం ఈ సీక్వెల్ కోసం స్క్రిప్ట్ పనులు జరుగుతున్నాయి. కాస్టింగ్ ఎంపికలు త్వరలో జరుగనున్నాయి.
ఖోస్లా కా ఘోస్లాలో మధ్యతరగతి కుటుంబం ఎదుర్కొన్న సమస్యలు, రియల్ ఎస్టేట్ మోసాలపై అద్భుతమైన సెటైరికల్ డ్రామాగా కథ నడిచింది. అనుపమ్ ఖేర్, బోమన్ ఇరానీ ప్రధాన పాత్రల్లో నటించిన ఈ చిత్రం కల్ట్ క్లాసిక్గా గుర్తింపు పొందింది. సీక్వెల్ను నవంబర్లో ప్రారంభించి 2026లో విడుదల చేయాలనే ప్లాన్తో దర్శకుడు ఉమేష్ బిష్ట్ టీమ్ ప్రస్తుతం సన్నాహక పనులు చేస్తున్నారు. ఈ సినిమాను టి-సిరీస్ నిర్మిస్తోంది. హ్యూమా ఇప్పటికే కథ విని అంగీకారం తెలిపిందని సమాచారం.
ఇకపోతే, యశ్ హీరోగా తెరకెక్కుతున్న టాక్సిక్ చిత్రంలో కూడా హ్యూమా నటిస్తోంది. అలాగే, ఓటీటీ ప్రాజెక్టుల్లోనూ బిజీగా కొనసాగుతోంది.
Recent Random Post:
