కేజీఎఫ్ స్టార్ Yash ప్రస్తుతం తన భారీ ప్రాజెక్ట్ Toxic పనుల్లో బిజీగా ఉన్నాడు. అయితే ఈ సినిమా విడుదల విషయంలో నిర్మాత K. Venkat Narayana (కేవీఎన్ ప్రొడక్షన్స్) నుంచి ఒత్తిడి పెరుగుతోందనే వార్తలు ఇండస్ట్రీలో హాట్ టాపిక్గా మారాయి.
ఇప్పటికే షూటింగ్ పూర్తి చేసుకున్న ఈ చిత్రం, రీషూట్లు మరియు ఇతర సాంకేతిక కారణాల వల్ల పదే పదే వాయిదా పడుతూ వస్తోంది. దర్శకురాలు Geetu Mohandas సినిమా క్వాలిటీ విషయంలో ఏమాత్రం రాజీ పడకుండా పని చేస్తున్నప్పటికీ, ఆలస్యంతో ప్రాజెక్ట్పై వడ్డీ భారం భారీగా పెరిగినట్లు సమాచారం. దీంతో నిర్మాతలు సినిమాను వీలైనంత త్వరగా విడుదల చేయాలని భావిస్తున్నారు.
ప్రస్తుతం జూన్ 4న సినిమా రిలీజ్ చేయాలని టార్గెట్ పెట్టుకుని, అందుకు అనుగుణంగా పనులు పూర్తి చేయాలని యశ్పై ఒత్తిడి తెస్తున్నట్లు తెలుస్తోంది. భారీ పెట్టుబడులు ఈ ప్రాజెక్ట్లో ఇరుక్కుపోయిన నేపథ్యంలో కేవీఎన్ ప్రొడక్షన్స్కు ఈ రిలీజ్ ఎంతో కీలకంగా మారింది.
ఇదే సమయంలో, ఈ సంస్థ మరో భారీ చిత్రం Jana Nayaganను కూడా నిర్మిస్తోంది. ఈ రెండు ప్రాజెక్టుల్లో భారీగా పెట్టుబడి ఉండటంతో, ఆర్థికంగా రిలీఫ్ పొందాలంటే ఇవి త్వరగా విడుదల కావాల్సిన అవసరం ఉంది.
నిర్మాతల ఆందోళనను అర్థం చేసుకున్న యశ్, సినిమాను సమయానికి పూర్తి చేస్తానని హామీ ఇచ్చినట్లు సమాచారం. ప్రస్తుతం యశ్, దర్శకురాలు గీతూ మోహన్ దాస్ అంతర్జాతీయ స్థాయిలో సినిమాను ప్రమోట్ చేయడానికి విదేశాల్లో ఉన్నారు. తిరిగి వచ్చాక మే నెల నుంచి ఇండియాలో భారీ స్థాయిలో ప్రమోషన్స్ ప్రారంభించేందుకు ప్లాన్ చేస్తున్నారు.
అలాగే రాబోయే 45 రోజుల పాటు వరుస అప్డేట్స్తో ప్రేక్షకులను ఆకట్టుకునేలా చిత్ర యూనిట్ షెడ్యూల్ సిద్ధం చేసినట్లు తెలుస్తోంది. కేవీఎన్ ప్రొడక్షన్స్కు ఈ సినిమాల విడుదల చాలా ముఖ్యం, ఎందుకంటే తరువాత మెగాస్టార్ Chiranjeevi మరియు దర్శకుడు Bobby Kolli కాంబినేషన్లో మరో భారీ ప్రాజెక్ట్ కూడా లైన్లో ఉంది.
మొత్తానికి, Toxic విషయంలో నాణ్యతతో పాటు సమయం కూడా కీలకంగా మారింది. ఒకవైపు యశ్ తన పర్ఫెక్షన్ కోసం
ప్రయత్నిస్తుండగా, మరోవైపు నిర్మాతలు ఆర్థిక ఒత్తిడిని ఎదుర్కొంటున్నారు. మరి జూన్ 4న Toxic ప్రేక్షకుల ముందుకు వచ్చి ఆశించిన మ్యాజిక్ చేస్తుందా లేదా అనేది చూడాలి.
Recent Random Post:
