RRR వంటి పాన్ ఇండియా బ్లాక్బస్టర్ తర్వాత స్టార్ డైరెక్టర్ రాజమౌళి గ్లోబల్ సినిమా సర్కిల్లో హాట్ టాపిక్గా మారారు. ఆస్కార్ గెలుచుకున్న నాటు నాటు సాంగ్తో పాటు, లెజెండరీ డైరెక్టర్ జేమ్స్ కామెరూన్ స్వయంగా ప్రశంసించడం వంటి పరిణామాలు రాజమౌళిని అంతర్జాతీయ స్థాయికి తీసుకెళ్లాయి. దీంతో ఆయన తదుపరి ప్రాజెక్ట్పై ఆసక్తి అమాంతం పెరిగిపోయింది.
RRR తర్వాత రాజమౌళి సూపర్ స్టార్ మహేష్ బాబుతో కలిసి భారీ పాన్ వరల్డ్ మూవీ తెరకెక్కించనున్న విషయం తెలిసిందే. ఇండియానా జోన్స్ తరహాలో హై-బజెట్ అడ్వెంచర్ ఫిల్మ్గా SSMB29 రూపొందుతుంది. హాలీవుడ్ సినిమాలకు ఏమాత్రం తగ్గని రేంజ్లో ఈ ప్రాజెక్ట్ను అత్యంత ప్రతిష్టాత్మకంగా తెరకెక్కిస్తున్నారు.
ఇప్పటికే రాజమౌళి నుంచి వరుసగా బాహుబలి, RRR వంటి రూ.1000 కోట్ల క్లబ్ సినిమాలు వచ్చిన నేపథ్యంలో, SSMB29 అంచనాలు ఆకాశాన్ని అంటుతున్నాయి. దీంతో రాజమౌళిపై ఒత్తిడి పెరిగినట్టే. ఇక గ్లోబల్ మీడియా కూడా ఈ ప్రాజెక్ట్పై ప్రత్యేక ఫోకస్ పెట్టింది.
ఈ నేపథ్యంలో, రాజమౌళి SSMB29 ప్రాజెక్ట్కు మరింత హైప్ తీసుకురావాల్సిన అవసరం ఉందని సినీ వర్గాల్లో చర్చ నడుస్తోంది. సాధారణంగా తన ప్రాజెక్ట్ను గ్రాండ్గా అనౌన్స్ చేసే జక్కన్న ఈసారి మాత్రం లీకేజీల భయంతో చాలా జాగ్రత్తగా వ్యవహరిస్తున్నట్టు సమాచారం. అయితే, ఈ నెల చివరి వారంలో ప్రత్యేక మీడియా సమావేశం నిర్వహించి SSMB29 గురించి కీలక విషయాలు వెల్లడించనున్నారట.
ఈ మీడియా మీట్ నుంచే రాజమౌళి భారీగా SSMB29 ప్రొమోషన్స్ మొదలుపెట్టే అవకాశం ఉందని ఇండస్ట్రీలో టాక్ నడుస్తోంది. మరి, మహేష్తో జక్కన్న సెట్ చేస్తున్న ఈ మెగా ప్రాజెక్ట్ ఎలా ఉండబోతోందో ఆసక్తిగా ఎదురుచూస్తున్న అభిమానులకు రాజమౌళి త్వరలోనే సర్ప్రైజ్ ఇవ్వబోతున్నారా? చూడాలి!
Recent Random Post:
