బడ్జెట్, కాస్టింగ్ పరంగా ఇతర చిత్రాలతో పోలిస్తే చిన్న సినిమాగా కనిపించినా.. క్రేజ్, అడ్వాన్స్ బుకింగ్స్, వసూళ్ల విషయంలో ‘మ్యాడ్ స్క్వేర్’ తనదైన ముద్ర వేసుకుంది. తొలి రోజే ప్యాక్డ్ హౌస్లతో స్టార్ట్ అయిన ఈ చిత్రం, టాక్ మిశ్రమంగా ఉన్నప్పటికీ బాక్సాఫీస్ వద్ద అద్భుతమైన కలెక్షన్లు సాధించింది.
‘మ్యాడ్’తో పోలిస్తే ‘మ్యాడ్ స్క్వేర్’ కంటెంట్ పరంగా బలంగా లేకపోయినా.. కామెడీ అంతగా ఆర్గానిక్గా అనిపించకపోయినా.. పాటలు ఆకట్టుకోకపోయినా.. ఈ ప్రతికూలతలు వసూళ్లపై ప్రభావం చూపించలేదు. మౌత్ టాక్ సగటుగా ఉన్నా, సినిమా యూత్ ఆడియన్స్ను బాగా ఆకర్షించింది.
తొలి వారాంతంలోనే ఈ సినిమా రూ.50 కోట్లకు పైగా గ్రాస్ వసూలు చేసినట్లు చిత్రబృందం ప్రకటించింది. అయితే, ఈ ఫిగర్లు కొద్దిగా ఎగ్జాజరేషన్ అయ్యుండొచ్చు కానీ, రూ.40 కోట్లకు తగ్గకుండా గ్రాస్ సాధించడం మాత్రం నిజమే. ఈ స్థాయిలో వచ్చిన కలెక్షన్లు ‘మ్యాడ్ స్క్వేర్’కి సూపర్ సక్సెస్గా నిలిచాయి.
ఇదే సమయంలో రిలీజ్ అయిన మోహన్లాల్ ‘ఎంపురాన్’ మొదట హైప్ తీసుకువచ్చినా, తొలి రోజు తర్వాత ఆ సినిమా జోరు తగ్గిపోయింది. విక్రమ్ ‘వీర ధీర శూర’ స్ట్రాంగ్ కంటెంట్ ఉన్నప్పటికీ సరైన పబ్లిసిటీ లేక పోయింది. నితిన్ ‘రాబిన్ హుడ్’కు నెగటివ్ టాక్ రావడం వల్ల ఆ సినిమాకు ఊపు తగ్గింది.
ఈ పోటీని పూర్తిగా ఉపయోగించుకుని ‘మ్యాడ్ స్క్వేర్’ యూత్ ప్రేక్షకుల మొదటి ఛాయిస్గా నిలిచింది. వీకెండ్లో హౌస్ ఫుల్ షోలతో దూసుకెళ్లింది. అన్ని ఏరియాల్లో బ్రేక్ ఈవెన్ చేరుకుని, సక్సెస్ ఫుల్ రన్ కొనసాగిస్తోంది. ‘మ్యాడ్’ ఫ్రాంచైజీకి మంచి బలాన్నిచ్చిన ఈ చిత్రం, యూత్ ఆడియన్స్ను ఎంతవరకు మెప్పించిందో మరికొన్ని రోజుల్లో స్పష్టమవుతుంది!
Recent Random Post:
