తమిళ ప్రేక్షకులకు సుపరిచితుడైన రోబో శంకర్ తీవ్రమైన అనారోగ్య సమస్యల కారణంగా 46 ఏళ్ల వయసులో తుది శ్వాస విడిచారు. బుల్లి తెర ద్వారా పరిచయం అయ్యి, టీవీ షోలు, సినిమాల్లో నటిస్తూ అభిమానుల మనసులను ఆకర్షించిన ఆయన, కోలీవుడ్లో ప్రత్యేక గుర్తింపు పొందారు.
శంకర్ ప్రారంభంలో గ్రామీణ ప్రాంతాల్లో ప్రదర్శనలు చేసి, డాన్స్, మిమిక్రీ ద్వారా తన ప్రతిభను చూపించారు. తరువాత చిన్న చిన్న సినిమా పాత్రలు చేసి, బుల్లి తెరలో కమీడియన్గా గుర్తింపు పొందారు. సాధారణంగా వెండి తెరపై గుర్తింపు వచ్చిన వెంటనే చాలా మంది బుల్లి తెరను పక్కన పెట్టుతారు, కానీ రోబో శంకర్ తనకు గుర్తింపు తెచ్చిన బుల్లి తెరను ఎప్పటికీ మరవలేదు. ఈ ఏడాదిలో టాప్ కుకు డూప్ కుకు సీజన్ 2, అతు ఇతు ఎతు సీజన్ 4 షోల్లో కూడా ఆయన నటిస్తూ అభిమానులను అలరిస్తూ వచ్చారు.
రోబో శంకర్ కుమార్తె ఇంద్రజ ఇండస్ట్రీలో అడుగు పెట్టింది. ఆమె బిగిల్ సినిమాలో విజయ్ రెడీ చేసే ఫుట్బాల్ టీమ్లో నటించింది. జీ తమిళ్లో కూడా పలు షోల్లో కనిపించింది. ఆయన భార్య కూడా నటన, నేపథ్య గాయినీగా కొనసాగుతున్నారు.
రెండేళ్ల క్రితం శంకర్ ఆరోగ్య సమస్యల కారణంగా అభిమానులు ఆందోళన చెందారు. ఈ మధ్య అతను చెన్నైలో గాడ్స్ జిల్లా సినిమా షూటింగ్ సమయంలో కుప్పకూలిపోయి, ప్రైవేట్ ఆసుపత్రికి తరలించబడ్డాడు. తీవ్రమైన రక్తపోటు కారణంగా శంకర్ మరణించాడు.
అంత్యక్రియలు సెప్టెంబర్ 19న నిర్వహించబడ్డాయి. ఇండస్ట్రీ ప్రముఖులు, అభిమానులు అతనికి నివాళులు అర్పించారు. రోబో శంకర్ తన ప్రత్యేక హాస్య శైలితో తెలుగు, తమిళ ప్రేక్షకుల మనసుల్లో చిరస్థాయిగా నిలిచిపోయారు.
